share market mhanje kai ?

शेअर मार्केट म्हणजे काय ? 

Marketgurumarathi

शेअर मार्केटमध्ये स्टॉक मार्केटलाच कॅश मार्केट आणि इक्विटी मार्केट अश्या वेगवेगळ्या नावांनी संभोधले जाते त्यामुळे अशी वेगवेगळी नावे जर कोणाकडून ऐकलीत तर गडबडून जाऊ नका . फक्त एवढेच लक्षात ठेवा कि नावे वेगवेगळी आहेत अर्थ मात्र एकच आहे. नावावरूनच आपल्याला समजते कि इथे वेगवेगळ्या कंपन्यांच्या शेअर्स ची खरेदी विक्री होते, जसा गावाकडे आठवडा बाजार भरतो तेव्हा तिथे आपण आपल्याला ज्या वस्तू पाहिजे आहेत त्या आपण खरेदी करतो आणि ज्याला ज्या वस्तू विकायच्या आहेत तो त्या विकतो. अगदी तसेच शेअर बाजार ( मार्केट ) मध्ये आपण आपल्याला जे शेअर्स खरेदी करायचे असतील ते खरेदी करतो आणि जे विकायचे असतील ते विकतो. पण जसा आठवडा बाजार आठवड्यातून एकदा भरतो तसे शेअर बाजार हे आठवड्यातून पाच दिवस चालू असते. शनिवार आणि रविवार शेअर बाजार बंद असतो .  

शेअर मार्केट मध्ये ऐकून तीन प्रकार मोडतात . 

१) स्टॉक मार्केट 
२) डेरीवेटीव्ह मार्केट  आणि 
३) कमोडिटी मार्केट 


१) स्टॉक मार्केट :- 
    
स्टॉक मार्केटलाच आपण ईक्वीटी मार्केट किंवा कॅश मार्केटअसे म्हणतो . इथे आपल्याला ज्या कंपन्या शेअर मार्केट मध्ये रजिस्टर आहेत त्या कंपन्यांचे शेअर्स खरेदी आणि विक्री करता येते.




२) डेरीवेटीव्ह मार्केट  :- 

MarketGuruMarathi

डेरिव्हेटीव्ह मार्केटमध्ये आपण स्टॉक आणि इंडेक्स चे ऑपशन्स खरेदी करू शकतो तसेच विकू हि शकतो . आता तुम्हाला प्रश्न पडला असेल कि हे ऑपशन्स  म्हणजे काय ? चिंता करू नका  ते मी तुम्हाला सांगणारच आहे पण आता नाही ,आता आपण फक्त  शेअर मार्केट विषयी जाणून घेणार आहोत. 



३) कमोडिटी मार्केट :- 

जसे स्टॉक मार्केटमध्ये आपण कंपनीचे शेअर्स खरेदी करतो अगदी तसेच आपण कमोडिटी मार्केटमध्ये गहू ,बाजरी,सोने  असे बरेच काही खरेदी करू शकतो . आणि हो ते पण इलेक्ट्रॉनिक फॉर्म मध्ये, म्हणजेच जसे दुकानातून गहू , बाजरी आणि सोनं घेतो तसे नाही. इथे आपण त्यांचे शेअर्स घेत असतो .एवढे लक्षात ठेवा कि जगामध्ये सर्व प्रथम शेअर मार्केटमध्ये ट्रेडिंग हि कमोडिटी मार्केटच्या माध्यमातून सुरु झाली होती आणि ती हे जपान मध्ये . त्यामुळे शेअर बाजारात कमोडिटी मार्केट हे खूप जुने आहे .मग नंतर जसे आधुनिकरण होत गेले तश्या कंपन्या हि शेअर मार्केटच्या माध्यमातून स्टॉक मार्केट मध्ये ट्रेड होऊ लागल्या .